U NAK u Viktara Łukašenki źjaviłasia maładaja hienieralnaja sakratarka FOTA
30-hadovaja Palina Hałavina stała hienieralnym sakratarom Nacyjanalnaha alimpijskaha kamiteta.
Fota z vk.com.
Pasiadžeńnie vykankama NAKa prachodziła pad kiraŭnictvam pieršaha vice-prezidenta arhanizacyi Viktara Łukašenki. Prysutničaŭ na vykankamie i ministr sportu Siarhiej Kavalčuk.
Kandydaturu Hałavinoj prapanavaŭ kiraŭnik NAK Alaksandr Łukašenka. U takich umovach jana była biezalternatyŭna padtrymanaja.
U abaviazki hiensaka NAK uvachodzić uzajemadziejańnie ź Mižnarodnym alimpijskim kamitetam, mižnarodnymi spartyŭnymi fiederacyjami. Faktyčna, heta taki sabie «ministr zamiežnych spraŭ» pry NAK.
Chto ž takaja Palina Hałavina? Jana naradziłasia ŭ vieraśni 1989 hoda ŭ Minsku, vučyłasia ŭ škole №45 va Uruččy. Jaje dziavočaje proźvišča Ihnacienka. Potym vučyłasia na «Mižkulturnaj kamunikacyi» ŭ Linhvistyčnym univiersitecie, skončyła VNU ŭ 2012 hodzie.
Pracavała pres-sakratarom Biełaruskaj fiederacyi vietrazievaha sportu.
Ivan i Palina Hałaviny. Fota vk.com.
Palina zamužam ź Ivanam Hałavinym, jon rasijanin, rodam z Tuły. Dziela kachańnia Ivan pierajechaŭ z Rasii ŭ Biełaruś. Raniej Ivan zachaplaŭsia rok-muzykaj, hraŭ u amatarskim hurcie. Na siońnia Hałavin pracuje staršym majstram na «Minskkamunciepłasietki».
Što tyčycca Paliny, to siarod svaich cikavaściaŭ jana nazyvaje koniej, malavańnie i movy. Lubimaj muzykaj — mietał.
Pra siabie ŭ sacyjalnych sietkach jana piša nastupnaje: «Avateina [jaje nik u internecie] — dziaŭčyna, jakaja maryć nie zabyć maru, nie zdradzić sabie i nie być pahłynutaj štodzionnaściu».
Jaje papiarednik na pasadzie — 65-hadovy ŭradženiec rasijskaha Ułan-Ude Hieorhij Katulin. Jon byŭ hiensakam NAK u pieryjad 2005—2015 i 2017—2020 hadoŭ. Da hetaha pracavaŭ u fiederacyi bodzibiłdynhu i fitnesu.
