U Pałacy šlubaŭ u Minsku 02.02.2020 raśpišuć 20 par. I heta ŭ niadzielu!
U Pałacy hramadzianskich abradaŭ Minharvykankama, što na vulicy Kamunistyčnaj, dziela pryhožaj daty 02.02.2020 zrobiać vyklučeńnie i raśpišuć maładych u vychodny (niadziela). Pra heta paviedamiła BIEŁTA kiraŭnik Pałaca hramadzianskich abradaŭ Julija Kočyna.
«Hetaja pryhožaja data vypała na niadzielu — naš vychodny, kali my nie raśpisvajem. Ale popyt naradžaje prapanovu. Vyrašyli zrabić vyklučeńnie: ź siońniašniaha dnia prymajem zajavu na hety dzień. 2 lutaha stać mužam i žonkaj zmohuć 20 par», - patłumačyła Julija Kočyna.
Pa słovach kiraŭnika Pałaca hramadzianskich abradaŭ, vialiki popyt siarod budučych maładych i na datu 20.02.2020 (čaćvier) — uvieś dzień užo daŭno raśpisany. Było padadziena 28 zajaŭ, jašče niekalki «fortačak» zabraniravana.