Staŭ viadomy śpis biełaruskich futbalistaŭ, datyčnych da damoŭnych matčaŭ. Jość i hulcy zbornaj
Futbolnaja fiederacyja apublikavała vyniki pasiadžeńnia Kamiteta kantrolna-dyscyplinarnaha i pa etyčnych pytańniach pa spravie ab damoŭnych matčach. Staŭ viadomy śpis futbalistaŭ, jakija majuć dačynieńnie da damoŭnych matčaŭ. Siarod ich jość i eks-hulcy zbornaj — Vital Łańko i Alaksiej Sučkoŭ.
Valeryj Bialaŭski i Alaksiej Sučkoŭ byli pažyćciova adchilenyja ad biełaruskaha futboła.
Ihar Lisica, Viačasłaŭ Holik, Dzianis Lebiedzieŭ, Alaksandr Judzicki adchilenyja na try hady; Alaksandr Prakapienka dyskvalifikavany na dva hady; Dźmitryj Charytonaŭ, Andrej Štyhiel, Arciom Ciapłoŭ, Ihar Chaładkoŭ, Anatol Žukaŭ, Siarhiej Ćviacinski, Jaŭhien Šydłoŭski, Siarhiej Lavicki i Artur Bombiel adchilenyja na adzin hod.
Akramia taho, spartsmieny atrymali hrašovyja štrafy ad 2700 da 13500 rubloŭ.
