Iryna ź Vilejki, jakaja prasiła ŭ MNS vyratavać Zialenskaha, prosta zakachałasia ŭ jaho
Pra heta «Našaj Nivie» raskazaŭ sužyciel Iryny Andrej.
«Irynie 36 hadoŭ, jana maja dziaŭčyna. Ale daŭno mnie kazała, što zakachałasia ŭ taho Zialenskaha, voś jon i mroicca joj paŭsiul», — raskazvaje 43-hadovy Andrej.
Andrej raspavioŭ akaličnaści historyi sa zvankom ratavalnikam, jakaja zdaryłasia ŭviečary 13 studzienia.
Iryna prybiehła dadomu i paviedamiła Andreju, što ŭ ich padvale znachodziacca niejkija ludzi, siarod jakich i prezident Ukrainy Uładzimir Zialenski.
«Jana źbiehała ŭ padvał jašče raz, paśla viarnułasia i skazała mnie, što Zialenskamu błaha, a ja zrazumieŭ, što błaha joj.
Ja patelefanavaŭ u milicyju, kab zabrali Irynu, u hety ž čas čuŭ, jak jana kamuści telefanuje, raskazvaje pra Zialenskaha. A siońnia ŭ jutubie ŭbačyŭ hety rolik i zrazumieŭ, kudy jana zvaniła. Niekalki razoŭ pierasłuchaŭ, padumaŭ: nu što za durnica! Nie, vy nie padumajcie, jana nie błahaja, i takoje ź joj upieršyniu.
A paśla taho zvanka Iryna źnikła. Jana nie źjaŭlajecca doma z taho samaha viečara 13 studzienia. Dzie jaje šukać, nie viedaju. Telefon mabilny ŭ jaje raźbity, jana nidzie nie pracuje», — adkazaŭ Andrej.
