U Iranie zatrymali čałavieka, jaki zapisaŭ na videa źbićcio ŭkrainskaha «Boinha»
Korpus vartavych isłamskaj revalucyi Irana zatrymaŭ čałavieka, jaki zapisaŭ na videa traplańnie rakiety iranskich SPA ŭ pasažyrski łajnier avijakampanii «Mižnarodnyja avijalinii Ukrainy» (MAU) 8 studzienia. Žurnalist, jaki apublikavaŭ videa, kaža, što zatrymali nie taho, piša bbc.com.
Vierahodniej za ŭsio, zatrymanamu buduć vystaŭlenyja abvinavačvańni, źviazanyja z naniasieńniem škody nacyjanalnaj biaśpiecy.
«Boinh-737» «Mižnarodnych avijalinij Ukrainy» paciarpieŭ krušeńnie 8 studzienia praź niekalki chvilin paśla vyletu z aeraporta Tehierana. Zahinuli ŭsie 176 čałaviek, jakija znachodzilisia na borcie.
Iranskija ŚMI paviedamili pra zatrymańnie vartavymi isłamskaj revalucyi čałavieka, jaki vykłaŭ u sacsietki videa traplańnia rakiety ŭ samalot.
Adnak žurnalist z Łondana, jaki apublikavaŭ videa pieršym, nastojvaje, što jaho krynica ŭ biaśpiecy, a zatrymali nie taho čałavieka.
I'm getting lots of calls.
They have arrested the WRONG person regarding the #Flight752 In Iran. The person who is a source of the video is SAFE and I can assure you IRGC is orchestrating another lie. They killed 176 passengers on commercial plane. Thats the real story here. https://t.co/X2k0ycwMBD
Pra zatrymańnie jašče niekalkich čałaviek u suviazi z katastrofaj, a taksama kala 30 udzielnikaŭ pratestaŭ abviaściŭ u aŭtorak pradstaŭnik sudovaj ułady Irana. Jon dadaŭ, što pratestoŭcy aryštavanyja za ŭdzieł u «niezakonnym schodzie».
Taksama ŭ aŭtorak hazieta New York Times apublikavała rasśledavańnie, ź jakoha vynikaje, što pa samalocie byli vypuščanyja dźvie rakiety ź intervałam u 23 siekundy. Pavodle viersii žurnalistaŭ, traplańnie pieršaj rakiety vyvieła sa stroju transpondar samalota.
