Tramp: Ja vyratavaŭ Efiopiju, a Nobieleŭskuju premiju miru dali inšamu
Prezident ZŠA Donald Tramp zajaviŭ, što premjer-ministr Efiopii Abij Achmied niezasłužana atrymaŭ Nobieleŭskuju premiju miru, piša BBC.
«Ja chaču raskazać vam pra Nobieleŭskuju premiju miru. Ja zaklučyŭ ździełku, ja vyratavaŭ krainu, i ja tolki što daviedaŭsia, što kiraŭnik hetaj krainy ciapier atrymlivaje Nobieleŭskuju premiju miru za vyratavańnie krainy. Ja padumaŭ: «Ci mieŭ ja da hetaha niejkaje dačynieńnie?». Tak, viadoma, ale voś jak usio skłałasia… Ja praduchiliŭ vialikuju vajnu, i navat nie adnu», — skazaŭ Tramp.
Nahadajem, u kastryčniku 2019 hoda Nobieleŭskuju premiju miru atrymaŭ premjer-ministr Efiopii Abij Achmied za «rašučaść va ŭrehulavańni pahraničnaha kanfliktu z susiedniaj krainaj Erytrejaj».
Efiopija i Erytreja znachodzilisia ŭ stanie vajny kala 20 hadoŭ. U lipieni 2018 hoda Abij Achmied i prezident Erytrei Isajas Afvierki padpisali mirnaje pahadnieńnie.
