Vyličana mierkavanaje miesca pusku rakiety, što źbiła ŭkrainski łajnier
Śledčyja ź internet-vydańnia Bellingcat vyličyli abjekt, ź jakoha mahli atakavać Boeing 737-800 «Mižnarodnych avijalinij Ukrainy» la Tehierana. Jak paviedamiŭ «Radyjo Svaboda» pradstaŭnik Bellingcat Chrysta Hrozieŭ, jak miarkujecca, heta baza, viadomaja jak vyprabavalny palihon dla rakiet supraćpavietranaj abarony Irana.
Pavodle jaho słoŭ, ekśpierty, vykarystaŭšy źviestki ab chutkaści palotu rakiety kompleksu «Tor» i miescy videazapisu paražeńnia samalota, zmahli vyznačyć prykładnuju adlehłaść, ź jakoj była zapuščana rakieta — 6-6,5 kiłamietra. Na hetaj adlehłaści ŭ kirunku palotu rakiety znachodzicca tolki vyprabavalnaja baza.
Jak paviedamlali vidavočcy, u kirunku łajniera, mahčyma, lacieli niekalki rakiet. Nienazvany pradstaŭnik ź liku aficyjnych asob ZŠA zajaŭlaŭ, što samalot byŭ źniščany dźviuma rakietami kłasa «ziamla — pavietra», što nibyta było zafiksavana sa spadarožnika.
