Łukašenka: Biełarusy, u adroźnieńnie ad rasijan i ŭkraincaŭ, nie voźmuć taho, što im nie naležyć
Alaksandr Łukašenka na cyrymonii ŭručeńnia premii «Za duchoŭnaje adradžeńnie» vykazaŭsia nakont biełarusaŭ: čym jany adroźnivajucca ad susiednich narodaŭ.
«Ja zusim niadaŭna pačytaŭ zakrytuju spravazdaču dla prezidenta, jak nas aceńvajuć u śviecie. Ja nie budu ŭsio pierakazvać, ale što mnie spadabałasia (heta kažuć nie prosta ludzi, jakija da nas pryjechali ŭ chakiej pahulać, turysty i hetak dalej, a prafiesijanały i śpiecyjalisty) — kažuć, tak, u Biełarusi jość karupcyja, ale jana ci na minimumie, a kali naviersie, to jaje naohuł miescami niama.
Ab biełarusach jany kažuć (cytuju), što «heta adukavanyja, pracavityja ludzi», i, što mianie ŭraziła, «heta ludzi, jakija nie voźmuć taho, što im nie naležyć, u adroźnieńnie ad ukraincaŭ, rasijan i inšych susiedziaŭ». Mnie było pryjemna čytać hetuju spravazdaču z zakrytych krynic, dzie ludzi ŭsłych nie havorać, a prosta raspracoŭvajuć palityku, rajać svaim uradam», — skazaŭ Łukašenka.
