Kali na Blizkim Uschodzie vybuchnie vajna, Jeŭropa i Kitaj pacierpiać macniej za ZŠA i Rasiju
Na Blizkim Uschodzie moža adbycca novy vialiki vybuch.
5 studzienia parłamient Iraka pryniaŭ rezalucyju z zaklikam vyvieści amierykanskija vojski z krainy. U Iraku dahetul stajać kala 5000 amierykanskich vajskoŭcaŭ, a pasolstva ŭ Bahdadzie — najbolšaja amierykanskaja dypmisija ŭ śviecie.
Vašynhton zaklikaŭ pierahledzieć hetaje rašeńnie.
Rezalucyja parłamienta nie maje siły zakona, ale daje prava ŭradu krainy pryniać adpaviednaje rašeńnie. Pakul niajasna, ci słaby ŭrad Iraka advažycca na taki rezki krok u adnosinach da ZŠA, jakija jašče niadaŭna ažyćciaŭlali akupacyju hetaj krainy.
Prezident Tramp i kiraŭnictva Irana ŭ niadzielu abmianialisia novymi pahrozami.
Tym časam aŭtarytarny prezident Turcyi Redžep Erdahan abviaściŭ, što tureckija vojski pačali vysadku ŭ stalicy Livii Trypali. Takim čynam Erdahan choča ŭratavać urad svaich livijskich sajuźnikaŭ, jaki blizki da padzieńnia pad udarami apazicyjnaj jamu «Livijskaj nacyjanalnaj armii», jakuju padtrymlivajuć Jehipiet, Rasija, Sudan i Saudaŭskaja Aravija.
U vypadku vybuchu vajennych dziejańniaŭ vakoł Irana ceny na naftu ŭźlaciać da biesprecedentna vysokaha ŭzroŭniu, što vykliča miehakryzis u suśvietnaj ekanomicy, nastupstvy jakoha možna budzie paraŭnać ź situacyjaj 1973—1975 hadoŭ. Kali takoje zdarycca, Jeŭropa i Kitaj pacierpiać našmat macniej za ZŠA i Rasiju. Bo pieršyja zaležać ad pastavak enierhanośbitaŭ ź Blizkaha Uschodu, tady jak apošnija enierhietyčna samadastatkovyja.