U Hrodnie ŭ kvatery piacipaviarchovika znajšli try trupy
Strašnaja znachodka ŭ Hrodnie viečaram 3 studzienia: žychary doma na vulicy Puškina vyklikali milicyju, adčuŭšy na leśvičnaj placoŭcy trupny pach, dźviery adnoj z kvater adčynili — i znajšli tam try cieły ŭ stadyi hnijeńnia, piša Tut.by.
U kvatery pamierła siamja: pažyłyja mužčyna, žančyna i ich syn.
Susiedzi kažuć, što siamja žyła ŭ domie kala 30 hadoŭ. U pažyłych baćkoŭ jość jašče adzin syn, jon žyvie asobna. Asacyjalnymi niabožčykaŭ nazvać było nielha: žyli cicha, vyhladali achajna, rehularna chadzili ŭ kramu, syn byccam by pracavaŭ, u debošach i pjankach nikoli zaŭvažany nie byli.
U milicyju patelefanavała susiedka pa leśvičnaj kletcy, adčuŭšy ŭ padjeździe śpiecyfičny pach hnijeńnia.
U chacie ŭsiu noč pracavali milicyja, śledčyja i ekśpierty.
Pavodle źviestak MUS, u śmierci siamji niama kryminalnaha śledu.