«Što vy za byki?» Tramp abłajaŭ svaju kamandu za toje, što nie złučyła jaho z Pucinym
Žurnalist Piter Bierhien raskazaŭ pra reakcyju prezidenta ZŠA Donalda Trampa na prapuščany zvanok ad rasijskaha lidara Uładzimira Pucina ŭ 2017 hodzie, piša Business Insider.
Try hady tamu ŭ studzieni Tramp abiedaŭ z brytanskim premjeram Terezaj Mej u Biełym domie. Jana spytała jaho, ci telefanavaŭ jamu Pucin, na heta amierykanski lidar admoŭna pakivaŭ hałavoj. U hety momant dyrektar raźviedvalnaha ŭpraŭleńnia Pientahona Majkł Flin nachiliŭsia da Trampa i skazaŭ, što prezident Rasii telefanavaŭ niekalki dzion tamu.
U adkaz kiraŭnik Biełaha doma pačaŭ krytykavać Flina i inšych vysokapastaŭlenych supracoŭnikaŭ rezidencyi za toje, što jamu nie paviedamili pra zvanok.
«Ty što, žartuješ? Uładzimir Pucin sprabavaŭ mnie patelefanavać, a ty nie daŭ [mnie trubki]? Pra što ty dumaŭ?» — pryvodzić Bierhien słovy Trampa. Amierykanski lidar zajaviŭ, što Pucin — «adziny čałaviek na ziamli, jaki moža źniščyć ZŠA».
«Što vy za byki? Jak takoje moža być, što mnie telefanuje Pucin, a vy nie złučajecie? Ja nie viedaju, što vy, chłopcy, robicie», — skazaŭ na zakančeńnie Tramp.
