Stała viadomaja pryčyna abmialeńnia Šackich azior na miažy ź Biełaruśsiu
Šackija aziory, pryrodnyja pierliny Vałyni na miažy ź Biełaruśsiu, abmialeli z pryčyny niezakonnaj haspadarčaj dziejnaści.
Takoje padazreńnie majuć ukrainskija pravaachoŭnyja orhany, jakija raspačali kryminalnuju spravu.
Jak paviedamiła prakuratura Vałynskaj vobłaści, adno z ukrainskich pradpryjemstvaŭ samavolna pabudavała pobač z Šackimi aziorami na arandavanaj terytoryi štučnyja sažałki płoščaj 230 ha, i ź ich zabiraje vadu dla palivańnia rasady durnic na płoščy bolš za 150 hiektaraŭ.
Ułady, u tym liku Dziaržaŭnaja ekałahičnaja inśpiekcyja Vałynskaj vobłaści, viedali pra heta, ale nie spynili niezakonnuju dziejnaść pradpryjemstva. Idzie rasśledavańnie.
Raniej ukrainski bok źviazvaŭ abmialeńnie Šackich azior z zapuskam zdabyčy krejdy na Chacisłaŭskim radoviščy na biełaruskim baku miažy.
