Kreml pra adnosiny ź Biełaruśsiu: «Pakul apakaliptyčnyja scenary prapanujem nie abmiarkoŭvać»
kremlin.ru
Rasii i Biełarusi pakul nie ŭdałosia dasiahnuć damoŭlenaści pa pytańniach nafty i hazu. Adnak heta nie padstava abmiarkoŭvać «apakaliptyčnyja scenary», zajaviŭ pres-sakratar rasijskaha prezidenta Dźmitryj Piaskoŭ, pieradaje RBK.
«Tam ciapier nie varta pierabolšvać ryzyki, choć sapraŭdy pakul nie ŭdałosia dasiahnuć damoŭlenaści. Vy viedajecie, što ŭčora mieła miesca praciahłaja hutarka, abmiarkoŭvalisia pytańnie intehracyi, spravy hazavyja i naftavyja. Pakul damoŭlenaści dasiahnuć nie ŭdałosia», — raspavioŭ Piaskoŭ.
Pavodle jaho słoŭ, Pucin i Łukašenka ŭžo dali ŭkazańni kampanijam u abiedźviuch krainach, adnak pakul hetyja namahańni «nie ŭviančalisia pośpiecham».
«Pakul apakaliptyčnyja scenary prapanujem nie abmiarkoŭvać. Razmova budzie praciahnuta», — padsumavaŭ Dźmitryj Piaskoŭ.
Rasija moža spynić ekspart nafty ŭ Biełaruś 1 studzienia z-za adsutnaści ŭmoŭ pastavak na 2020 hod
Biełaruś moža pačać hod biez kantraktaŭ na pastaŭki nafty i hazu. Łukašenka i Pucin bolš za hadzinu havaryli pa telefonie, ale pakul nie damovilisia
Łukašenka i Pucin znoŭ pahavaryli pa telefonie i abmierkavali prablemu pastaŭki nafty i hazu
