Marales atrymlivaje ŭ Arhientynie status uciekača biez prava rabić palityčnyja zajavy
Eks-prezident Balivii Eva Marales padaŭ prašeńnie ab nadańni jamu ŭ Arhientynie statusu uciekača zamiest palityčnaha prytułku paśla prybyćcia ŭ krainu, piša tass.ru.
Zhodna z arhientynskim zakanadaŭstvam, uciekačy vałodajuć tymi ž pravami, što i luby zamiežny hramadzian, jaki atrymaŭ vid na žycharstva ŭ Arhientynie. U zakonie nie havorycca, što uciakač nie moža zajmacca palityčnaj dziejnaściu, adnak raniej kiraŭnik MZS Arhienciny Felipe Soła zajaviŭ, što ŭrad respubliki paprasiła Maralesa «ŭziać na siabie abaviazalnictva nie rabić palityčnych zajavaŭ z terytoryi Arhienciny». 7 śniežnia eks-prezident Balivii paviedamiŭ, što partyja «Ruch da sacyjalizmu» pryznačyła jaho kiraŭnikom štaba kandydata ad palityčnaj siły na majučych adbycca vybarach kiraŭnika dziaržavy.
U Balivii 20 kastryčnika prajšli prezidenckija vybary. Było abvieščana, što dziejny prezident Marales pieramoh u pieršym tury, adnak apazicyja nie pryznała vynikaŭ. Paśla troch tydniaŭ maštabnych pratestaŭ Marales, pazbaviŭšysia padtrymki vojska, uciok za miažu.
