Kryminalnuju spravu suprać błohiera Alaksandra Kabanava zakryli
Jak paviedamiŭ Alaksandr Kabanaŭ baj.by, daviedaŭsia jon pra hety fakt vypadkova. Sprava spynienaja z farmuloŭkaj «za adsutnaściu składu złačynstva»
Błohier źviartaje ŭvahu, što kryminalnaja sprava była adnoŭlenaja na padstavie pastanovy prakuratury Bresckaj vobłaści na samym pačatku kampanii pa vybarach deputataŭ Pałaty pradstaŭnikoŭ. Pry hetym Alaksandr Kabanaŭ płanavaŭ udzielničać u vybarach u jakaści kandydata na adnoj z vybarčych akruh u Breście, ale jaho nie zarehistravali nibyta z-za pamyłak padčas składańnia ankiety.
Što tyčycca adnoŭlenaj kryminalnaj spravy, to, pavodle błohiera, jaho tolki adnojčy vyklikali ŭ milicyju, ale jon admoviŭsia ad vizitu ŭ RAUS.
«Paśla hetaha mianie ŭvohule nie čapali, a paśla vybaraŭ raptoŭna daviedaŭsia, što sprava začyniena ŭ suviazi z adsutnaściu składu złačynstva», — kaža Alaksandr Kabanaŭ.
Pavodle błohiera, jon tak i nie zrazumieŭ, što było pryčynaj dla adnaŭleńnia hetaj kryminalnaj spravy, bo raniejšyja abvinavačańni nie paćvierdzilisia. Adzinaja viersija — spravu adnavili, kab zaminać aktyŭnamu ŭdziełu Alaksandra Kabanava ŭ vybarčaj kampanii.
«Nie vyklučana, što ŭłady zachočuć adnavić hetuju spravu i ŭ 2020 hodzie, kali ŭ Biełarusi raspačnucca prezidenckija vybary», — žartuje błohier.
