Statkievič, Kastusioŭ i Dźmitryjeŭ raskazali, čamu nie byli na akcyjach u abaronu niezaležnaści
7-8 śniežnia ŭ Minsku adbylisia vuličnyja akcyi ŭ abaronu niezaležnaści. Mnohija zaŭvažyli, što na płoščach nie było niekatorych viadomych palitykaŭ. My papytalisia ŭ ich, što stała pryčynaj adsutnaści.
Mikoła Statkievič, lidar arhkamiteta «Narodnaj Hramady»
«Dla mianie dziŭna čuć hetaje pytańnie, tamu što «Narodnaja Hramada» brała aktyŭny ŭdzieł u akcyi. Što vam jašče treba? Heta niedarečnaje i niekarektnaje pytańnie, u mianie takoje ŭražańnie, što vy jaho zadajacie pa čyjojści kamandzie. Ja byŭ za miežami Biełarusi, da pabačańnia».
Ryhor Kastusioŭ, staršynia Partyi BNF
«Byli inšyja mierapryjemstvy, na jakija byŭ zaprošany zahadzia. Jany ŭžo dvojčy pieranosilisia, tamu było niepryhoža pieranosić jašče raz. Mianie zaprašali našy aršanskaja i škłoŭskaja supołki. Takoje byvaje. Nie było takoha, što BNF tudy nie choča iści, my abmiarkoŭvali akcyju z Paŭłam. Nie zaŭsiody žadańni supadajuć z mahčymaściami, časam treba vybirać niešta adno. Dušoj ja byŭ z udzielnikami akcyi».
Andrej Dźmitryjeŭ, kiraŭnik «Havary praŭdu»
«Mianie nie było ŭ Biełarusi. Kali b byŭ, to, mahčyma, pajšoŭ by».
