Siońnia ŭ katolikaŭ i častki pravasłaŭnych — Śviaty Mikałaj. Pačynajucca kaladnyja śviaty
Ličycca, što ad siońnia pačynajucca Kaladnyja śviaty.
6 śniežnia kataliki abodvuch abradaŭ ušanoŭvajuć pamiać śviatoha Mikałaja, biskupa Mirlikijskaha. Pravasłaŭny śviet, jaki trymajecca novajulijanskaha kalendara (Bałharyja, Hrecyja, Kanstancinopal, Kryt, Rumynija, Amierykanskaja pravasłaŭnaja carkva) taksama adznačajuć śviatoha Mikałaja siońnia.
Pomnik śviatomu Mikałaju ŭ Demre (Mira), Turcyja. Fota: (CC) Simm / Wikipedia
Pravasłaŭnyja, što karystajucca julijanskim kalendarom, ušanoŭvajuć jaho 19 śniežnia.
Heta adzin z najbolš šanavanych chryścijanskich śviatych. Pra žyćcio śviatoha Mikałaja viadoma niašmat. Znajem, što śviaty Mikałaj doŭhija hady byŭ biskupam u Mirach, pravincyja Likija, u Małoj Azii. Braŭ udzieł u Pieršym Suśvietnym Sabory (325 h.) u Nikiei. Pamior kala 345 hoda.
Usio svajo žyćcio pryśviaciŭ spravie miłasernaści dla dušy i cieła. Tajamnica jahonaha vialikaha kultu siarod chryścijan u tym, što jon dla ŭsich staŭ simvałam achviarnaj lubovi da bližniaha i spačuvalnaj miłasernaści. Paśla śmierci Boh prasłaviŭ jaho vyklučnym daram rableńnia cudaŭ, i tamu heta śviatoha vieličajuć Cudatvorcam.
Ličycca, što mienavita śviaty Mikałaj (u ZŠA dy inšych zachodnich krainach jon staŭ pravobrazam Santa-Kłaŭsa) prynosić padarunki na Kalady. Tamu nastaŭ samy čas dzieciam pisać da jaho listy
