Łukašenka: Budzie vielmi nialohka
Biełaruś niekamu stała «kostkaj u horle», i nam treba prajści hety składany pieryjad, zajaviŭ Alaksandr Łukašenka siońnia ŭ čas zvarotu da deputataŭ Pałaty pradstaŭnikoŭ i členaŭ Savieta Respubliki, pieradaje BIEŁTA.
«Budzie vielmi nialohka. I nie tamu, što my niapravilna vybrali madel, i nie tamu, što my nie na toj movie razmaŭlajem, i nie tamu, što ŭ nas Pałata pradstaŭnikoŭ nie taja abo parłamient u cełym. A tamu, što Biełaruś stała, «jak u narodzie kažuć, kostkaj u horle» niekamu. Užo vielmi kamuści karcić, tamu što, bačycie, biez resursaŭ, bieź niejkich vialikich materyjalnych zapasaŭ jany (biełarusy) niejak žyvuć», - adznačyŭ Alaksandr Łukašenka.
Jon padkreśliŭ, što krainie treba razumna prajści hety składany pieryjad. «Tym bolš vy bačycie: turbulentnaść u mižnarodnych adnosinach. Vy bačycie, jakaja palityka. Učora vy hladzieli kadry siesii NATA, bačyli «biazhłuździcu» i vypady niekatorych lidaraŭ, uładnych ludziej. I ź imi treba budavać adnosiny, kab prajści hety vielmi ciažki pieryjad», - dadaŭ kiraŭnik dziaržavy.-