ZŠA płanujuć vydzielić jašče $ 250 miljonaŭ Ukrainie na procitankavyja rakiety
Prezident ZŠA Donald Tramp płanuje prapanavać u prajekt biudžetu na 2021 vyłučyć pa mienšaj miery $ 250 młn vajskovaj dapamohi Ukrainie na nabyćcio procitankavych rakiet Javelin, piša pravda.com.ua.
Pra heta zajaviŭ namieśnik ministra abarony Štataŭ Džon Rud. Pavodle jaho słoŭ, kali Kanhres padtrymaje prajekt biudžetu, ZŠA praciahnuć dalejšaje pradastaŭleńnie letalnaj dapamohi Ukrainie.
U pačatku kastryčnika Dziaržaŭny departamient ZŠA dazvoliŭ prodaž u Ukrainie 150 procitankavych rakiet Javelin i źviazanaha ź imi abstalavańnia na sumu kala $39,2 młn dalaraŭ ZŠA.
Javelin - hałoŭnaja procitankavaja zbroja vojska i marskoj piachoty ZŠA. Jana dazvalaje sałdatu ci marskomu piachotniku stralać i chutka ruchacca, pakolki rakieta samakiravana lacić da celi.