Mužčyna skraŭ u kramie kurtku, a kali zatrymali, jon prahłynuŭ maniety

Zdareńnie adbyłosia viečaram 3 śniežnia. Narad hrupy zatrymańnia Kastryčnickaha adździeła Departamienta achovy vyjechaŭ na spracoŭvańnie knopki tryvožnaj sihnalizacyi ŭ adnym z handlovych centraŭ, piša pres-słužba MUS.

Pryčyna ekstranaha vykliku milicyi była dosyć raspaŭsiudžanaj — mužčyna, prymieryŭšy kurtku, «zabyŭsia» za jaje zapłacić. Kali rabotniki kramy spynili mužčynu i źviarnulisia ŭ milicyju, toj loh na padłohu i vyklikaŭ sam sabie chutkuju dapamohu. Bryhadzie miedykaŭ jon rastłumačyŭ, što prahłynuŭ zatočanyja maniety.

Renthien paćvierdziŭ: u straŭniku ŭ mužčyny sapraŭdy znachodziacca mietaličnyja pradmiety.

Jamu akazali miedycynskuju dapamohu, a pa fakcie kradziažu viadziecca pravierka.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0