Papiarovyja pratakoły ŭ sudach zamieniać na aŭdyjo- i videazapis
Deputaty ŭ pieršym čytańni pryniali źmieny ŭ zakon, pa jakim pratakoły sudovych pasiadžeńniaŭ buduć zamienienyja na aŭdyjo- i videazapis, piša Tut.by.
— Asnoŭnaj krynicaj infarmacyi ab chodzie sudovaha razboru pavinien stać aŭdyjo- i videazapis, — rastłumačyŭ sutnaść źmianieńniaŭ u zakon namieśnik staršyni Viarchoŭnaha suda Valeryj Kalinkovič.
Na papiery padčas pasiadžeńnia budzie składacca tolki karotki pratakoł.
Mahčymaść viadzieńnia tekstavaha pratakoła budzie zachavana tolki pry niemahčymaści vieści aŭdyjo- i videazapis, naprykład, u tym vypadku, kali abstalavańnie ŭ zale suda vyjšła z ładu.
Deputat Andrej Junicyn pacikaviŭsia, ci zmohuć sudy zabiaśpiečyć techničnuju mahčymaść viadzieńnia aŭdyjo- i videazapisu da momantu ŭstupleńnia zakona ŭ siłu.
- Va ŭsich sudach užo jość techničnaja mahčymaść chacia b aŭdyjofiksacyi, — zapeŭniŭ Valeryj Kalinkovič.
Akramia taho, zały sudoŭ buduć abstaloŭvacca aparaturaj na praciahu 2020 hoda.
— Da momantu ŭstupleńnia zakona ŭ dziejańnie ŭsia sistema sudoŭ ahulnaj jurysdykcyi budzie da hetaha hatova, — skazaŭ namieśnik staršyni Viarchoŭnaha suda.
Kalinkovič raspavioŭ, što sam na praciahu siami hadoŭ składaŭ papiarovyja pratakoły sudovych pasiadžeńniaŭ.
— Ja viedaju, što heta takoje ŭ realnym žyćci. My čakajem novaha padychodu.
