Ministr finansaŭ raspavioŭ, jak budzie raści zarobak biudžetnikaŭ u nastupnym hodzie
Zarobak rabotnikaŭ biudžetnaj śfiery ŭ 2020 hodzie budzie raści apieradžalnymi tempami, paviedamiŭ ministr finansaŭ Maksim Jermałovič u efiry telekanała STB, paviedamlaje BIEŁTA.
«My faktyčna nabližajemsia da pakazčyka 80% (da siaredniaj zarpłaty pa krainie) na kaniec hoda. Pa mnohich abłaściach pakazčyk užo pieravyšaje 80%. Prablema ŭ Minsku, dzie hetyja suadnosiny značna nižejšyja. U cełym heta ŭpłyvaje na ahulny pakazčyk pa krainie. My budziem dzieści na ŭzroŭni 78-79%, h.zn. vielmi blizka da 80% na kaniec hoda», - skazaŭ Maksim Jermałovič.
Pa słovach ministra, tolki paskorany rost zarabotnaj płaty ŭ ekanomicy nie dazvoliŭ vyjści na metavyja suadnosiny, ale heta budzie zroblena ŭ nastupnym hodzie. «My zakładajem apieradžalnyja tempy rostu zarabotnaj płaty ŭ biudžetnym siektary, bo jany ŭ papiarednija hady adstavali. Ciapier nam treba rabić bolš chutki krok», - dadaŭ jon.
