Naścia Rybka pryjšła na BT na viečarovaje šou: «Vybary prapuściła, bo zdymała klip» VIDEA
Nastaśsia Vašukievič, viadomaja jak Naścia Rybka, stała zaprošanaj hościaj viečarovaha šou na BT «Makajonka, 9».
Nastaśsia zajaviła, što źbirajecca sustrecca z Łukašenkam.
Jana paćvierdziła, što płanavała sioleta bałatavacca ŭ deputaty parłamienta, «bo vieryć, što nie ŭsio pradajecca».
Nastaśsia nie zmahła skazać, što kankretna choča źmianić i moža prapanavać. Ale zajaviła, što «praraŭła ź niekatorych zakonaŭ, pryniatych apošnim časam», i aburyłasia biurakratyjaj, jakaja zaminaje vieści biznes u Biełarusi.
Taksama Naścia Rybka raspaviała, što płanuje budavać muzyčnuju karjeru, praŭda, pakul nie atrymlivajecca zarablać na hetym, tolki tracić. Pavodle jaje słovaŭ, hrošy prynosić rekłama seks-šopaŭ i vopratki.
Niadaŭna, jak pierakonvaje Naścia Rybka, joj prapanavali prarekłamavać rasijskuju palityčnuju partyju.
Na videa — z 24:13.
