Pres-sakratar niamieckaha futbolnaha sajuza: ABFF paprasiła nas nie dapuskać bieł-čyrvona-biełyja ściahi i hierb «Pahonia»
Na matčy ŭ niamieckim Mionchenhładbachu biełaruskich zaŭziataraŭ nie prapuskali z Pahoniaj i bieł-čyrvona-biełymi ściahami na prośbu ABFF. Biełaruskaja fiederacyja futboła admaŭlaje, što prasiła ab hetym
«Na aficyjnym pasiedžańni pierad hulnioj Biełaruskaja fiederacyja futbołu papiaredziła nas, što na stadyjonie dla palityčnaj prapahandy vykarystoŭvajucca peŭnyja simvały i ściahi. ABFF paprasiła nas nie dapuskać bieł-čyrvona-biełyja ściahi i hierb «Pahonia». Pa našych źviestkach, hety ściah nie źjaŭlajecca aficyjnym ściaham Biełarusi i tamu my vyrašyli trymacca asnoŭnaj zabarony palityčnych simvałaŭ na stadyjonie. Aficyjny ściah i hierb byli, zrazumieła, dapuščanyja», — prakamientavaŭ belsat.eu Štefan Ajierman, pres-sakratar niamieckaha futbolnaha źviazu.
16 listapada ŭ Mionchenhładbachu adbyŭsia matč kvalifikacyi čempijanatu Jeŭropy-2020 Niamieččyna — Biełaruś. U sacyjalnych sietkach zaŭziatary śćviardžajuć, što sutyknulisia z zabaronaj na pranos bieł-čyrvona-biełych ściahoŭ i hierbu «Pahonia».
Raniej ABFF u kamientary «NN» admaŭlała takuju prośbu.
Biełaruscy zabaranili razharnuć šalik z «Pahoniaj» na niamieckim stadyjonie. Kamientar ABFF
