Na adnym z učastkaŭ u Minsku ŭładnamu kandydatu napisali 6,5%, a apazicyjanieru — bolš za 50% FOTAFAKT
Na adnym z učastkaŭ Puškinskaj akruhi №103 staršynia kamisii padpisaŭ pratakoł, pavodle jakoha namieśnik staršyni TBM Dzianis Tušynski (partyja Zialonych) atrymaŭ bolš za 50% hałasoŭ, a praŭładny kandydat, staršynia Minharsavieta Vasil Panasiuk — mienš za 7%.
Dziŭny pratakoł z vybarčaha ŭčastka №432 Frunzienskaha rajona Minska apublikavała ŭ fejsbuku Volha Kavalkova.
Pavodle dakumienta, ličby na ŭčastku raźmierkavalisia nastupnym čynam:
- Dzianis Tušynski — 546 (50,2%)
- Alaksiej Alancevič — 173 (15,9%)
- Suprać usich i sapsavana — 133 (12,2%)
- Alaksandr Šmacin — 91 (8,4%)
- Volha Kavalkova — 72 (6,6%)
- Vasil Panasiuk — 72 (6,6%).
Učastak №432 byŭ składzieny z rabotnikaŭ MAPIDa. Jaho staršynia — namieśnik dyrektara Zavoda bujnapanelnaha domabudavańnia № 1 MAPID Hienadź Špak.
Nie treba dumać, što heta byŭ uzorny ŭčastak. Realnaja jaŭka, pavodle padlikaŭ naziralnikaŭ, skłała kala 44%, tady jak kamisija niejak naličyła 63%.
Jak tady atrymałasia takaja dziŭnaja situacyja? Najchutčej, staršynia kamisii prosta pierabłytaŭ ličby.
Proźviščy kandydataŭ zapisvajucca ŭ pratakoł u ałfavitnym paradku. Adpaviedna, praŭładny Panasiuk musiŭ być trecim. A staršynia kamisii čamuści napisaŭ trecim Tušynskaha, addaŭšy jamu hałasy pieramožcy.
Nieviadoma, ci pratakoł dajechaŭ u takim vyhladzie da akružnoj kamisii. Na hetym etapie kantrolu z boku naziralnikaŭ niama.