Sieviarynca buduć sudzić za minskuju akcyju z patrabavańniem svabodnych vybaraŭ
U RUUS Centralnaha rajona Minska skłali administratyŭny pratakoł na sustaršyniu BCHD Paŭła Sieviarynca, piša Radyjo Svaboda.
Aktyvist paviedamiŭ, što pratakoł na jaho składzieny pavodle artykuła 23.34 Administracyjnaha kodeksa — za parušeńnie paradku praviadzieńnia masavych akcyjaŭ.
«Heta za 16 listapada, za ŭdzieł u akcyi «Sustreča svabodnych ludziej — 2». Adpravili pratakoł u sud i skazali čakać pozvy», — paviedamiŭ Pavieł Sieviaryniec.
Akcyja «Sustreča svabodnych ludziej-2» prajšła ŭ Minsku ŭ apošni dzień daterminovaha hałasavańnia. Akcyju inicyjavali BSDP (Narodnaja hramada) Mikałaja Statkieviča i «Jeŭrapiejskaja Biełaruś», u akcyi brali ŭdzieł bolš za 100 čałaviek. Paśla sustrečy na płoščy Svabody adbyłosia šeście ŭdzielnikaŭ akcyi praspektam Niezaležnaści da Centralnaj vybarčaj kamisii, dzie niekalki kandydataŭ u deputaty i spalili na znak pratestu svaje paśviedčańni.
