Jaŭhien Afnahiel raskazaŭ, što dumaje pra masiravanuju ataku ŭ svoj bok ad BT
Ciaham apošnich dzion adrazu try dziaržaŭnyja telekanały — BT, ANT i STB — zrabili siužety pra kaardynatara «Jeŭrapiejskaj Biełarusi» Jaŭhiena Afnahiela.
Fota Nadziei Bužan.
Ton hetych publikacyj pradkazalny: maŭlaŭ, chto taki hety Afnahiel — sapraŭdny niaŭdačnik, ludzi ŭ Minsku pra jaho zusim nie viedajuć. Roliki vychodziać u najlepšych tradycyjach dziaržaŭnaj teleprapahandy 2000-ch.
Adbyłosia heta paśla taho, jak «Jeŭrapiejskaja Biełaruś» praviała vuličnyja akcyi 8 i 15 listapada. Sam Jaŭhien Afnahiel u kamientary «NN» raskazaŭ ab svaim staŭleńni da hetych rolikaŭ.
«Ja b nie nazvaŭ heta masiravanaj atakaj, ja b nazvaŭ heta biaspłatnaj rekłamaj «Jeŭrapiejskaj Biełarusi. Ja vielmi ŭdziačny dziaržaŭnamu telebačańniu za toje, što jany, chaj i pozna, ale raskazali pra našu hramadzianskuju kampaniju, — paŭžartam adkazvaje Jaŭhien. — Kaniečnie, nichto dziaržaŭnaje TB nie hladzić, ale zališniaj rekłama nie byvaje».
«A kali kazać bolš surjozna, to heta niervovaja reakcyja na žorstkuju krytyku ŭ bok uładaŭ, kirujučaha režymu. Pa-inšamu vytłumačyć heta niemahčyma. Ja nie pieražyvaju praz toje, što roliki źjaŭlajucca», — adkazvaje Afnahiel.
Kaardynatar «Jeŭrapiejskaj Biełarusi» pryznajecca, što nie sočyć za telebačańniem, tamu nie viedaje, ci byli raniej padobnyja roliki.
Jaŭhien Afnahiel — adzin z samych aktyŭnych udzielnikaŭ vuličnych akcyj supracivu, byŭ zasnavalnikam «Zubra». Za svaju dziejnaść Jaŭhien nieadnarazova zatrymlivaŭsia, adbyvaŭ administracyjnyja pakarańni. Na vybarach 2010 hoda byŭ u kamandzie kandydata Andreja Sańnikava.
