Dziaržaŭny BISD zavioŭ sajt: cytuje «Našu Nivu» i publikuje niečakanyja vysnovy svaich ekśpiertyz
Dziaržaŭny Biełaruski instytut stratehičnych daśledavańniaŭ, jaki ŭźnik jak zamiena nieefiektyŭnamu IAC, zavioŭ svoj sajt i telehram-kanał.
Na sajcie pieraličanyja ŭsie ekśpierty BISD. U rubrycy «Mierkavańni» možna aznajomicca z rabotami niekatorych.
«Ekśpiertnyja koły i hramadstva Biełarusi ź vialikim intaresam uspryniali vystupleńnie 2 vieraśnia 2019 h. Prezidenta Kazachstana K.-Ž. Takajeva z Pasłańniem narodu Kazachstana…» — piša, naprykład, analityk Anton Dudaronak.
U raździele navinaŭ BISD dzielicca niečakanymi vysnovami sa svaich kruhłych stałoŭ:
«Śpiecyjalisty pryjšli da vysnovy ab nieabchodnaści vykarystoŭvać dasiahnieńni sučasnych navuk ab čałavieku dla adaptacyi adukacyjnaha pracesu da ŭmovaŭ sučasnaha infarmacyjnaha asiarodździa. Heta dazvolić moładzi bolš adkazna i krytyčna aryjentavacca ŭ infarmacyjnych płyniach sučasnaha śvietu».
Admietna, što ŭ raździele «ŚMI ab nas» BISD cytuje «Našu Nivu», ale, čamuści, pa-rusku — biełaruskaj viersii ŭ sajta niama.
«Sajt jašče ŭ raspracoŭcy. Biełaruskaja viersija źjavicca z časam. Pakul my hladzim, jakija rubryki buduć karystacca bolšym popytam u aŭdytoryi: naviny, mierkavańni ci što inšaje», — patłumačyŭ «Našaj Nivie» namieśnik dyrektara BISD Juryj Prakopaŭ.
