U Estonii mužčyna sam patelefanavaŭ u palicyju i paviedamiŭ, što pjanym siadzie za rul
Elmo Riig
Palicyja raspaviała ŭ sacsietkach ab adnym niezvyčajnym vypadku, kali pjany mužčyna patelefanavaŭ u palicyju i paviedamiŭ, što chutka siadzie za rul, piša Tartu Postimees.
Na vychodnych u palicyju pastupiŭ zvanok ad žychara Jyhieva, jaki raspavioŭ, što vypiŭ vialikuju kolkaść harełki i zaraz pajedzie na mašynie: «Viedaju, što nielha, ale treba i chto mnie moža zabaranić?»
Patrul nakiravaŭsia da jaho doma. Niećviarozy čałaviek byŭ rady źjaŭleńniu palicejskich i navat pacisnuŭ im ruki. Jon dobraachvotna addaŭ patrulu klučy ad aŭtamabila, kab nie sieści pjanym za rul.
Ranicaj jon znoŭ patelefanavaŭ u palicyju, kab padziakavać vartavym pravaparadku. «Byŭ pjany i pavinien byŭ jechać, ale palicyja zabrała klučy. Chaču padziakavać palicejskim, usio było zroblena pravilna, usio ŭ paradku i samaha strašnaha nie adbyłosia. Sił i zdaroŭja ŭsim vam!»
