Naziralnika abvinavacili ŭ «drobnym chulihanstvie» za patrabavańnie pieraliku hałasoŭ
Piotra Markiełaŭ vyzvaleny ź milicejskaha ŭčastku.
Piatra Markiełava adpuścili ź milicyi kala 23:20, skłaŭšy na jaho pratakoł pa 17.1 artykule Administracyjnaha kodeksu — za «drobnaje chulihanstva», piša Radyjo Svaboda.
Naziralnika papiaredzili, što jon musić źjavicca ŭ sud, kali atrymaje pozvu.
Vyklikany na vybarčy ŭčastak narad milicyi z Maskoŭskaha RUUS u 21:20 zatrymaŭ naziralnika Piatra Markiełava, jaki naziraŭ za hałasavańniem i padlikam hałasoŭ na 286 učastku 99-j akruhi. Pryčynaj incydentu stała patrabavańnie Stasa Šaška pieraličyć padadzienyja za jaho hałasy.
Piotra Markiełaŭ hetak prakamentavaŭ svajo zatrymańnie:
«Kaniečnie, ja aburany, — zajaviŭ Markiełaŭ. — Miarkuju, takaja falsyfikacyja, jak u nas na ŭčastku, idzie paŭsiul. Prablema, adnak, u tym, što mała ludziej, hatovych heta vykryvać i z hetym niešta rabić. Ujavicie, što niekatoryja naziralniki z praŭładnych arhanizacyj padtrymlivali kamisiju, navat dapamahali milicyjantam mianie zatrymlivać — heta taksama aburaje».
Pry zatrymańni Markiełava pakłali na padłohu i nadzieli na jaho kajdanki. Naziralnik bačyŭ u milicyi zapis, što jon byŭ zatrymany z užyvańniem hvałtu. Na hrubaje abychodžańnie padčas dastaŭleńnia jaho ŭ Maskoŭskuju rajonnuju ŭpravu milicyi aktyvist nia skardzicca.
