Na vybarach u Biełarusi nie budzie naziralnikaŭ Jeŭraparłamienta
Jeŭrapiejski parłamient nie budzie nazirać za parłamienckimi vybarami ŭ Biełarusi, paviedamlaje tut.by sa spasyłkaj na aficyjnuju zajavu Jeŭraparłamienta.
U zajavie adznačajecca, što nivodzin z deputataŭ nie byŭ upaŭnavažany nazirać abo kamientavać vybary ŭ Biełarusi ad imia Jeŭraparłamienta.
— Takim čynam, kali chtości ź jeŭradeputataŭ vyrašyć nazirać za vybarčym pracesam, jon budzie rabić heta ŭ svajoj asabistaj jakaści i ni pry jakich abstavinach nie budzie pradstaŭlać punkt hledžańnia abo pazicyju Jeŭrapiejskaha parłamienta, — skazana ŭ zajavie.
Vybary ŭ Pałatu pradstaŭnikoŭ projduć 17 listapada. Pavodle CVK, na vybarach akredytavanyja 1027 zamiežnych naziralnikaŭ, u tym liku ad SND, BDIPČ ABSIE, ŠAS, PASIE. Za vybarami taksama buduć nazirać pradstaŭniki dypłamatyčnaha korpusa i niezaležnyja naziralniki.
