Kiraŭnik VMS Ukrainy: Rasija adpracoŭvała rakietny ŭdar pa Adesie
Rasijskija stratehičnyja bambaviki Tu-22M3 letam hetaha hoda adpracoŭvali naniasieńnie rakietnaha ŭdaru pa Adesie. Pra heta raspavioŭ kamandujučy Vajenna-marskimi siłami Ukrainy admirał Ihar Varončanka na treciaj mižnarodnaj kanfierencyi pa marskoj biaśpiecy krain pryčarnamorskaj rehijonu, piša rbc.ru sa spasyłkaj na sajt «Dumskaja».
Pa słovach Varončanki, samaloty ažyćciavili ŭmoŭny pusk za 60 km ad Adesy, a zatym paviarnuli ŭ bok praliva Basfor. Vučeńni, jakija jon nazvaŭ pravakacyjnymi, prajšli 10 lipienia, śćviardžaje jon.
U svaim dakładzie Varončanka taksama zajaviŭ, što Rasija naroščvaje vajskovuju prysutnaść u Čornym mory. Pa jaho padlikach, ad 2014 hoda kolkaść karabloŭ rasijskaha Čarnamorskaha fłotu vyrasła z 34 da 49, u tym liku padvodnych łodak — z adnoj da siami.
Akramia taho, jak vynikaje z vystupu kamandujučaha VMS Ukrainy, Rasija pastajanna mianiaje skład nasielnictva Krymu, pierasialiŭšy tudy za apošni hod da 100 tysiač čałaviek. U «pastajannaj hatoŭnaści da ŭvarvańnia va Ukrainu» znachodzicca da 30 bataljonnych taktyčnych hrup, śćviardžaje Varončanka.
U mižnarodnaj kanfierencyi pa marskoj biaśpiecy krain pryčarnamorskaha rehijonu biaruć udzieł vajskoŭcy i dypłamaty z krain čarnamorskaha rehijonu, a taksama ZŠA, Vialikabrytanii, Narviehii, Šviecyi. Na joj abmiarkoŭvajuć pytańni, źviazanyja z palitykaj Rasii, udakładniaje vydańnie.