U Kitai vyprabavali aparat dla pasadki na Mars
Śpiecyjalisty Kitajskaha nacyjanalnaha kaśmičnaha ŭpraŭleńnia (CNSA) vyprabavali aparat dla pasadki na pavierchniu Marsa. Test byŭ ažyćcioŭleny na śpiecyjalnaj placoŭcy ŭ rajonie horada Chuajłaj ŭ pravincyi Chebej ŭ prysutnaści aficyjnych asob i žurnalistaŭ, paviedamlaje tass.ru.
«Vyprabavańnie prajšło paśpiachova», - prainfarmavali arhanizatary.
Z dapamohaj śpiecyjalnaj pryłady z vyšyni 70 m była ažyćcioŭlena simulacyja źnižeńnia z chutkaściu, jakaja adpaviadaje hravitacyi Čyrvonaj płaniety.
Raniej kitajskija ŭłady paviedamili, što ŭ 2020 hodzie KNR płanuje skiravać svoj pieršy aŭtamatyčny aparat da Marsa, a praz 10 hadoŭ — atrymać uzory hruntu z pavierchni hetaj płaniety. Piłatavany palot da jaje, jak miarkujuć miascovyja ekśpierty, adbudziecca da 2050 hoda.
Na dumku kitajskich śpiecyjalistaŭ, vyvučeńnie Marsa dapamoža skłaści prahnoz ab tym, jakoj budzie Ziamla ŭ budučyni. Niekatoryja ź ich nie vyklučajuć, što pry vyjaŭleńni tam vady ŭ doŭhaterminovaj pierśpiektyvie stanie mahčymym i zasialeńnie hetaha niabiesnaha abjekta, adzinaha ŭ Soniečnaj sistemie, što nahadvaje našu płanietu.
