Łukašenka adkazaŭ na pytańnie pra mahčymaść admieny śmiarotnaj kary
Alaksandr Łukašenka siońnia na sustrečy z žurnalistami ŭ Vienie adkazaŭ na pytańnie ab mahčymaści admieny ŭ Biełarusi śmiarotnaha pakarańnia, pieradaje BiełTA.
«Adkazvajučy prama na vaša pytańnie: refierendum vyrašyŭ hetu prablemu. Tolki refierendum moža jaho admianić. My ŭ hetym napramku ruchajemsia», — skazaŭ kiraŭnik dziaržavy.
Alaksandr Łukašenka kanstatavaŭ, što ES ad Biełarusi patrabuje ŭžo admieny śmiarotnaha pakarańnia.
«I, viadoma, my da hetaha abyjakava stavicca nie možam, kali ŭžo zusim ščyra. I vielmi časta pravodzim apytańni nakont admieny śmiarotnaha pakarańnia. Ničoha z taho času, jak pytańnie było vyrašana na refierendumie, nie źmianiłasia. Ci varta heta pytańnie siońnia vynosić na refierendum, kab atrymać admoŭny adkaz. Dumaju, nie varta. Tamu my damovilisia niekali z palitykami ŭ Brusieli ŭ hetym napramku pracavać razam. I vypracavali niejki płan, darožnuju kartu pa rabocie ź biełaruskim hramadstvam. My ŭ hetym napramku ruchajemsia. Śpieška tut moža tolki naškodzić», — adznačyŭ biełaruski lidar.
Kiraŭnik dziaržavy zadaŭ rytaryčnaje pytańnie ŭźniaŭšaj hetu temu aŭstryjskaj žurnalistcy, jakoje mierkavańnie hramadzian hetaj krainy nakont śmiarotnaha pakarańnia.
«Nie viedajecie… U hetym i sutnaść vašaj demakratyi, z adnaho boku, — zaŭvažyŭ jon. — Kab voś tak patrabavać ad niekaha, razvažać na hetu temu, treba viedać, što ŭ ciabie dumaje hramadstva pa hetym pytańni». Alaksandr Łukašenka taksama pryvioŭ prykład, što Aŭstryja padtrymlivaje dobryja adnosiny z ZŠA, Kitajem.
«Pry sustrečach ź imi vy im zadavali anałahičnaje pytańnie? Dumaju, nie. Niachaj heta budzie taksama rytaryčnym pytańniem», — zaŭvažyŭ kiraŭnik dziaržavy.
«Što datyčycca Savieta Jeŭropy i našaha členstva: prymiecie — dziakuj, nie — pacierpim», — skazaŭ Alaksandr Łukašenka.
