Premjer Polščy raskrytykavaŭ Makrona za zajavu pra «śmierć mozhu» NATA
Premjer-ministr Polščy Matevuš Maraviecki ličyć niebiaśpiečnymi zajavy prezidenta Francyi Emanuela Makrona pra «śmierć mozhu» NATA. Pra heta jon skazaŭ u intervju Financial Times.
Premjer-ministar Polščy Matevuš Maraviecki. Fota: Flickr
Maraviecki nazvaŭ NATA «najvažniejšym aljansam u śviecie, kali sprava dachodzić da zachavańnia svabody i miru», i skazaŭ, što sumnievy ŭ tym, ci mohuć dziaržavy-členy raźličvać adzin na adnaho ŭ pytańniach abarony, niebiaśpiečnyja.
«Ja dumaju, što sumnievy prezidenta Makrona (u dačynieńni da kalektyŭnaj abarony NATA) mohuć zaachvocić inšych sajuźnikaŭ zadumacca, što, mahčyma, mienavita ŭ Francyi jość pytańni adnosna jaje zachavańnia. Ja spadziajusia, što my ŭsio jašče možam raźličvać na toje, što Francyja vykonvaje svaje abaviazacielstvy», — skazaŭ polski premjer.
Na dumku Maravieckaha, prablemy NATA vynikajuć nie z ambivalentnaści pazicyi prezidenta ZŠA Donalda Trampa, a z adsutnaści addanaści z boku niekatorych jeŭrapiejskich členaŭ, bolšaść ź jakich — u adroźnieńnie ad Polščy — pa-raniejšamu nie vykonvajuć metu Aljansu ab vydatkach na abaronu nie mienš za 2% ad VUP.