Rasija zapuścić u sieryjnuju vytvorčaść novuju snajpierskuju vintoŭku
Snajpierskaja vintoŭka Čukavina na zamienu lehiendarnaj SVD pojdzie ŭ sieryju ŭ bližejšyja dva hady, paviedamiŭ ria.ru hałoŭny kanstruktar kancernu «Kałašnikaŭ» Siarhiej Uržumcaŭ.
Takoj vintoŭkaj cikaviacca ŭsie siłavyja struktury, ale asnoŭny zakazčyk, viadoma, Minabarony RF, bo vintoŭka Drahunova (SVD), pryniataja na ŭzbrajeńnie ŭ 1963 hodzie, značna nie palapšałasia i nia ŭdaskanalvałasia, raspavioŭ Uržumcaŭ.
Jon dadaŭ, što zadačy źmianilisia i ciapier da zbroi novyja patrabavańni, jakija SVD nie moža zabiaśpiečyć. «Tamu prajekt SVČ zaklikany zamianić vintoŭku Drahunova va ŭsich strajavych čaściach», — adznačyŭ surazmoŭca ahienctva.
SVČ — najnoŭšaja raspracoŭka kancerna «Kałašnikaŭ» u halinie vysokadakładnaj strałkovaj zbroi, vykananaja ŭ troch kalibrach: 7,62ch54R, 7,62ch51 NATO (taksama viadomy jak.308 Win), a taksama 338 Lapua Magnum (8,6ch70 mm).
Prykład, stvolnaja skrynka i stvoł SVČ znachodziacca na adnoj linii, što pamianšaje padkidańnie zbroi. Na vintoŭcy majecca płanka Pikacini dla ŭstalavańnia luboha naviasnoha abstalavańnia. Mahazin u SVČ vykarystoŭvajecca ad vintoŭki SVD, što robić novuju raspracoŭku častkova ŭnifikavanaj z papiarednicaj.
