Va Ukrainie zatrymali imaviernych fihurantaŭ spravy ab zabojstvie Šaramieta
Zatrymanaja para vykonvała zakaznyja zabojstvy, miarkuje palicyja.
Nacyjanalnaja palicyja Ukrainy zatrymała siamiejnuju paru, jakaja moža fihuravać u spravie pra zabojstva žurnalista Paŭła Šaramieta.
Jak paviedamlaje ŭkrainskaje internet-vydańnie «Ukrajinśka pravda», u jakim da svajoj hibieli pracavaŭ Pavał Šaramiet, Uładzimir Hryščanka byŭ zatrymany 24 vieraśnia, a jahonaja žonka Ina — 5 listapada.
Śledstva padazraje, što para vykonvała zakaznyja zabojstvy. Jany padazrajucca ŭ zamachu na zabojstva žychara Ivana-Frankoŭskaj vobłaści. Jany vyrabili vybuchovaje prystasavańnie i prymacavali jaho da mašyny achviary ŭ horadzie Kosaŭ, što la padnožža Karpat. Adnak vybuchu nie adbyłosia, bo mužčyna zaŭvažyŭ vybuchoŭku.
Zatrymanaja para padobnaja da padazravanych, prykmiety jakich abviaščała śledstva. Spravu siamiejnaj pary pra zamach na zabojstva ŭ Ivana-Frankoŭskaj vobłaści viadzie toj ža śledčy, što i spravu ab zabojstvie Paŭła Šaramieta.
Jak heta było: U Kijevie ŭzarvali mašynu z Paŭłam Šaramietam
