Alaksandra Hierasimienia apublikavała piaščotnaje FOTA z mužam pad vadoj
Fota pad vadoj sa svaim mužam Jaŭhienam Curkinym Alaksandra Hierasimienia apublikavała ŭ instahramie.
Płyŭčycha padpisała zdymak tak: «Toj redki momant, kali atrymałasia. Kožny, chto zdymaŭsia pad vadoj u sukiency/kaściumie zrazumieje mianie. I naohuł tut, jak i ŭ žyćci, ciabie štarmić, pranosišsia pa chvalach, nyraješ, uspłyvaješ, a pamiataješ tolki toj momant zacišša i spakoju, i toj zachod sonca na haryzoncie, jaki ty sustrakaŭ sa svaimi blizkimi. Kachańnia vam».
«Našaj Ninie» Alaksandra Hierasimienia raskazała, što zdymalisia ź Jaŭhienam jany dla viasielnaha časopisa.
«U basiejnie BDUFK składana było zdymacca ŭ sukiency, jana ciažkaja, niepasłuchmianaja, ciahnuła na dno. Dobra, što Ženia byŭ pobač i kantralavaŭ pahružeńnie, bo basiejn hłyboki, možna było i nie vynyrnuć», — kaža Alaksandra.