Pradprymalnaja minčanka brała ŭ kalažanak telefon pazvanić. A paśla na ich utvarałasia zapazyčanaść
U milicyju źviarnułasia rabotnik adnoj z arhanizacyj. Jana paviedamiła, što ŭ jaje, a taksama jaje kalehaŭ na rachunkach mabilnych telefonaŭ utvarylisia bujnyja zapazyčanaści. Taksama Dziaŭčyna vykazała zdahadku, što dačynieńnie da ŭźniknieńnia zapazyčanaści moža mieć ich kaleha, jakaja nieadnarazova brała mabilnyja telefony, kab niby patelefanavać, paviedamlaje abłasnaja milicyja.
Heta i paćvierdziłasia. Da ŭtvareńnia zapazyčanaści sapraŭdy była datyčnaja 22-hadovaja adna z kaleh.
Ciaham troch miesiacaŭ jana brała mabilnyja telefony svaich kaleh (niby pazvanić), a zatym aktyvavała pasłuhu mikrazajmu (avierdraft), što pradastaŭlajecca mabilnymi apieratarami, na 100 rubloŭ. Paśla pieravodziła hrošy na svoj bankaŭski rachunak. Pryčym, kab kalehi nie zmahli daviedacca ab manipulacyjach, dziaŭčyna pakryvała častku zapazyčanaściaŭ pa mikrazajmie. Daviedacca ab najaŭnaści mikrazajmu paciarpiełyja zmahli tolki paśla taho, jak na rachunku mabilnych telefonaŭ utvarylisia zapazyčanaści.
Ahulnaja suma škody skłała kala 800 rubloŭ.
