Deputatka Makaryna-Kibak na debatach: Publikavać dekłaracyi ab dachodach čynoŭnikaŭ nieabaviazkova VIDEA
Deputatka Ludmiła Makaryna-Kibak ličyć, što publikavać dekłaracyi ab dachodach čynoŭnikaŭ nieabaviazkova.
Pra heta jana zajaviła na pieradvybarčych debatach pa Hrušaŭskaj akruzie №98, adkazvajučy na pytańni svajoj kankurentki Ałany Hiebremaryjam.
Ałana Hiebremaryjam: Ci byvajecie vy niazhodnaja z prezidentam?
Ludmiła Makaryna-Kibak: Naprykład, učora jon pravodziŭ naradu i ja zhodnaja ź im pa ŭsich punktach. Ja ŭdziačnaja, što jon u čarhovy raz źviarnuŭ na heta ŭvahu.
Ałana Hiebremaryjam: Pytańnie było, ci byvajecie vy NIE zhodny.
Ludmiła Makaryna-Kibak: Ja zhodnaja. U asnoŭnym — tak.
Ałana Hiebremaryjam: Jak vy staviciesia da publikacyj dekłaracyj čynoŭnikaŭ?
Ludmiła Makaryna-Kibak: Ja liču, što heta pravilna, što my zapaŭniajem dekłaracyi. My ich zdajem, i nieabaviazkova ich publikavać. Tady treba publikavać dekłaracyi ŭsich. [Nasamreč deputaty nie źjaŭlajucca čynoŭnikami, pieršyja — pradstaŭniki zakanadaŭčaj ułady, druhija — vykanaŭčaj — «NN»]
Ałana Hiebremaryjam: To bok narod nie pavinny viedać, kolki zarablajuć ludzi, jakija pracujuć dla ich.
Ludmiła Makaryna-Kibak: Vy ličycie, što ŭ nas vielmi vysoki zarobak, što vas tak chvaluje hetaje pytańnie? Ja tak nie liču…
Ałana Hiebremaryjam: Ja liču, što heta pavinna być adkrytym. Jak va ŭsich jeŭrapiejskich krainach.
Ludmiła Makaryna-Kibak: Usie pra heta viedajuć.
***
Ludmiła Makaryna-Kibak — adna z najlepšych otałarynhołahaŭ krainy. Pierad tym, jak u 2016 hodzie trapić u parłamient, pracavała dyrektaram RNPC otałarynhałohii. Praciahvaje miedycynskuju praktyku. Siaredni štomiesiačny dachod za minuły hod — 5017 rubloŭ.
Ałana Hiebremaryjam — vypusknica stamatałahičnaha fakulteta Miedycynskaha ŭniviersiteta. Dachodaŭ nie maje, znachodzicca na ŭtrymańni baćkoŭ.
Čytajcie: «Rasisckija abrazy mianie nie kranajuć». Afrabiełaruska, jakaja idzie ŭ deputaty, — pra palityku, moładź i biełaruskuju movu
Aproč ich, u debatach prymali ŭdzieł pradstaŭnik ŁDPB, a taksama vyłučeniec ad Partyi pracy i spraviadlivaści Andrej Hołasaŭ — toj samy, što zapomniŭsia svaim televystupam.
Kandydat raskazaŭ u telezvarocie, čamu pryjšoŭ na BT nie ŭ kaściumie. Adkaz vas ździvić VIDEA
Jašče dvoje kandydataŭ, siarod jakich pradstaŭnica BCHD Taćciana Usinovič, nie paličyli patrebnym pryjści na debaty.
