Dziaciej, jakija paciarpieli ad chłoru ŭ baranavickim basiejnie, vypisvajuć
Paciarpiełyja ŭ basiejnie horada Baranavičy dzieci rychtujucca da vypiski, paviedamiła BiełTA pres-sakratarka Ministerstva achovy zdaroŭja Julija Baradun.
«Dapamoha dzieciam, jakija paciarpieli ŭ Baranavičach ad atručvańnia chłoram u basiejnie, akazana ŭ poŭnym abjomie. Dzieci adčuvajuć siabie zdavalniajuča i rychtujucca da vypiski siońnia», — skazała Julija Baradun.
Nahadajem, u basiejnie ŭ Baranavičach niadbajnaść rabotnikaŭ pryviała da špitalizacyi 13 dziaciej.
Hrupa z 15 dziaciej zajmalisia ŭ basiejnie škoły alimpijskaha reziervu №4, kali raptam adčuli reź u horle.
Terminova vyklikali chutkuju i ratavalnikaŭ.
Jak vyjaviłasia, u tambury zapasnoha vychadu z basiejna vypadkova akazalisia pobač i źmiašalisia srodak dla apracoŭki vady i srodak dla dezyinfiekcyi. U vyniku adbyłasia chimičnaja reakcyja, i pary chłoru trapili ŭ zału basiejna.