Dženifier Mur: Ciapier miač na vašym baku. My čakajem ad Biełarusi reformaŭ
Pra heta časovy pavierany ŭ spravach ZŠA zajaviła na Kastryčnickim ekanamičnym forumie ŭ Minsku, piša Radyjo Svaboda.
Vystupajučy na forumie, Dženifier Mur skazała, što Biełaruś ciapier na skryžavańni.
«Ščyra kažučy, niekatoryja pabojvajucca i z aściarožnaściu hladziać na intehracyju pamiž Biełaruśsiu i Rasijaj: jakija vyniki heta budzie mieć, u tym liku, što da biełaruskaha suvierenitetu i ekanamičnaha raźvićcia.
Kaniečnie, jość šmat dezynfarmacyi, i niedachop transparentnaści, i niavyznačanaść. Adnak pieramovy Biełarusi i Rasii nie pavinny adciahvać uvahu ad razumieńnia istotnaha. Treba vyznačyć unutranyja reziervy ekanamičnaha rostu i adyjści ad ekanomiki, jakaja hruntujecca na zaležnaści i eksparcie, aryjentavacca na spažyŭca.
Nieabchodna ŭraŭniać umovy jak dla ŭnutranych, tak i zamiežnych inviestaraŭ. Kaniečnie, heta davoli składana, i jość nieabchodnaść praviadzieńnia reformaŭ. Biełaruś, takim čynam, pavinna dumać, jak pabudavać mocny i aktyŭny siaredni kłas», — pierakananaja Dženifer Mur.
Dženifer Mur vysoka acaniła biełaruski Dekret ab ličbavaj ekanomicy, nazvaŭšy jaho «cudoŭnaj idejaj». Adnak, na jaje dumku, kab dasiahnuć vynikaŭ, patrabujucca «davoli razumnyja strukturnyja reformy».
Druhim vyklikam Dženifier Mur nazvała inviestycyi ŭ Biełaruś. Adznačyła jana i važnaść ustupleńnia krainy va SHA.
Druhim vyklikam Dženifer Mur nazvała investycyi ŭ Biełaruś. Adznačyła jana i važnaść ustupleńnia krainy va Ŭsiaśvietnuju handlovuju arhanizacyju.
«Biełaruskamu ekspartu budzie lahčej vychodzić na mižnarodny rynak. Budzie mahčymaść vyrabu bolš kankurentnaj pradukcyi, źmienšacca barjery, taryfy i kvoty. Ad SHA Biełaruś atrymaje abaronu», — kaža Dženifer Mur.
Jana taksama adznačyła, što Biełaruś apošnija dva hady aktyŭna supracoŭničaje sa Złučanymi Štatami, ź inšymi partniorami.
«Ciapier, skažam tak, miač na vašym baku. I my čakajem, što i dalej buduć zrobleny kroki ŭ aktyvizacyi reformaŭ.
Uličvajučy kamunistyčnaje minułaje i peŭnuju spadčynnaść, jakaja adlustroŭvajecca ŭ kiravańni ekanomikaj, ustupleńnie va SHA budzie niaprostym», — zaŭvažyła Dženifier Mur.
Na jaje dumku, ustupleńnie va SHA — heta nie palityčny praces, heta, chutčej, techničnaje pytańnie.
«Adnak jość jašče pieramiennaja svajho kštałtu: heta palityčnaja vola da libieralizacyi handlu i reformaŭ. Siabry SHA chočuć pabačyć, nakolki prychilnaje biełaruskaje kiraŭnictva da idej libieralnaha handlu i rynku. Tamu ŭstupleńnie va SHA moža razhladacca jak adzin z elemientaŭ stymulacyi ŭnutranych reformaŭ. Spadziajusia, što tak i budzie», — vykazała nadzieju Dženifier Mur.
Jana zapeŭniła, što Biełaruś moža raźličvać na Złučanyja Štaty.
