«Šachcior» i BATE zhulali viasiołuju ničyju, ale bresckaje «Dynama» ŭžo adarvałasia na dzieviać bałaŭ! VIDEA hałoŭ
U hałoŭnym matčy kastryčnika «Šachcior» i BATE ŭ Salihorsku zhulali ŭničyju — 2:2. Tym samym za čatyry tury da finišu adstavańnie ad bresckaha «Dynama» składaje dzieviać bałaŭ, ale BATE maje hulniu ŭ zapasie.
Paśla 26 turaŭ: Dynama Brest — 67, BATE — 58 (25 hulniaŭ), Šachcior — 58 (26), Dynama Minsk — 46 (25).
Da kanca čempijanatu zastałosia čatyry tury. Ale 30 kastryčnika BATE zhulaje ŭ haściach pieraniesieny matč z «Dniaprom».
U «Šachciora» ŭličany vynik matča ź minskim «Tarpieda», što źniałasia ź pieršynstva.
3 listapada Brest prymaje «Šachcior», a BATE hulaje doma z «Isłačču», 10 listapada bresckaje «Dynama» hulaje ŭ Minsku z «Isłačču», a BATE ŭ haściach z «Viciebskam».
BATE — niaźmienny čempijon ad 2006 hoda. «Šachcior» byŭ čempijonam u 2005-m, bresckaje «Dynama» ni razu załatyja miedali nie vyjhravała, u jaho naohuł tolki była bronza ŭ 1992-m.
Kab stać čempijonam, bresckamu «Dynama» dastatkova nabrać siem bałaŭ u čatyroch matčach.