Asudžany na pažyćciovaje ŭ Kitai ŭjhurski navukoviec staŭ łaŭreatam premii Sacharava
Jeŭraparłamient u čaćvier pryniaŭ rašeńnie prysudzić premiju Sacharava ujhurskamu navukoŭcu Ilchamu Tochci, jaki byŭ asudžany ŭ Kitai da pažyćciovaha źniavoleńnia pa abvinavačvańniach u sieparatyźmie, paviedamlaje Radyjo Svaboda
Prafiesar ekanomiki Piekinskaha ŭniviersiteta nieadnarazova krytykavaŭ palityku kitajskich uładaŭ u dačynieńni da nacyjanalnych mienšaściaŭ. U 2014 hodzie sud va Urumčy vynies jamu prysud, abvinavaciŭšy ŭ dziejnaści, nakiravanaj na padryŭ dziaržaŭnaha ładu ŭ Sińczian-Ujhurskim aŭtanomnym rajonie.
Premija Sacharava prysudžajecca za pravaabarončuju dziejnaść. Śpikier Jeŭraparłamienta David Sasoli, jaki abjaviŭ, što Tochci staŭ jaje łaŭreatam, zaklikaŭ Piekin vyzvalić navukoŭca. Jon adznačyŭ, što Tochci prytrymlivajecca ŭmieranych pohladaŭ i zaŭsiody vystupaŭ za dyjałoh.
Rašeńnie Jeŭraparłamienta amal napeŭna vykliča rezkuju reakcyju kitajskich uładaŭ i moža pryvieści da abvastreńnia adnosin pamiž Kitajem i ES.
