Fejsbuk i instahram pačnuć markiravać fejkavyja publikacyi, a taksama paznačać dziaržaŭnyja ŚMI
Napiaredadni prezidenckich vybaraŭ u ZŠA ŭ Facebook źjaviacca adznaki na fejkavych navinach i materyjałach padkantrolnych dziaržavam ŚMI.
Byŭ zapuščany servis Facebook Protect, dziakujučy jakomu kandydaty na dziaržaŭnuju pasadu abo čynoŭniki i ich kamandy zmohuć abjadnać svaje profili.
Na praciahu listapada ŭ Facebook i Instagram na materyjałach, jakija inšyja adznačyli, jak iłžyvyja abo častkova niepraŭdzivyja, źjaviacca adznaki sa spasyłkami na materyjały, što abviarhajuć dezinfarmacyju. Prasoŭvańnie fejkavych publikacyj budzie bolš składanym.
Akramia hetaha, sacyjalnaja sietka pačnie baraćbu z kantralavanymi dziaržavami srodkami masavaj infarmacyi. Pačynajučy ź listapada takija ŚMI buduć markiravacca, a z pačatku 2020 hoda płanujecca ŭkaranieńnie adpaviednych markirovak i na dopisy. U Facebook źviartajuć asablivuju ŭvahu na toje, što havorka idzie nie pra ŭsie ŚMI, jakija finansujucca dziaržavaj, a tolki pra tyja, jakija znachodziacca pad niepasrednym kantrolem.
