Dyrektar finansavaj piramidy ŭ Viciebsku padmanuŭ klijentaŭ na 600 tysiač rubloŭ
U Viciebsku zatrymany dyrektar firmy, jaki padazrajecca ŭ arhanizacyi finansavaj piramidy. Apieratyŭniki vyśviatlajuć paciarpiełych, paviedamlaje MUS u svaim telehram-kanale.
Supracoŭnikam HUBAZiK MUS užo viadoma ab dziasiatkach paciarpiełych, jakija pazbavilisia svaich źbieražeńniaŭ u nadziei atrymać bujny prybytak ad układańniaŭ «pad pracent». Ahulnaja škoda paciarpiełych składaje kala 600 tysiač rubloŭ.
U finansavych machinacyjach padazrajecca 41-hadovy ŭradženiec Viciebskaha rajona, dyrektar firmy. Ustanoŭlena, što z 2017 pa 2019 hady jon vymańvaŭ u ludziej hrošy pad padstavaj vypłaty bujnych dyvidendaŭ - da 60% ad układańniaŭ štomiesiac.
Układčyki dumali, što inviestujuć u vysokaprybytkovyja prajekty pa pastaŭkach praduktaŭ. Na samaj spravie fihurant nie zajmaŭsia haspadarčaj dziejnaściu, a dyvidendy vypłačvaŭ za košt finansavych pastupleńniaŭ novych klijentaŭ. U nastupnym jon i zusim pierastaŭ płacić.