Čatyrochhadovaja dziaŭčynka z Zelvienskaha rajona, jakuju źbiŭ baćka, pamierła ŭ balnicy
Ilustracyjnaje fota Kozlik, Shutterstock.com.
Čatyrochhadovaja dziaŭčynka z Zelvienskaha rajona, jakuju 18 kastryčnika źbiŭ baćka za toje, što jana nie pasłuchałasia, pamierła ŭ balnicy, paviedamili TUT.BY u Zelvienskim vykankamie.
Zdareńnie adbyłosia viečaram u piatnicu.
«Mužčyna staŭ treści dziaŭčynku, nanosiŭ udary rukami i nahami. Zatym niekalki razoŭ kinuŭ jaje na tachtu, a taksama ŭ ścianu, paśla čaho jana straciła prytomnaść. Spałochaŭšysia, mužčyna vyklikaŭ chutkuju, da pryjezdu miedykaŭ sam sprabavaŭ pryvieści dačku ŭ prytomnaść», — paviedamlaŭ tady SK.
U balnicu dziaŭčynku pryvieźli nieprytomnaju.
25-hadovy mužčyna zatrymany. U dačynieńni da jaho raspačata kryminalnaja sprava pa art. 14 i p. 2 č. 2 art. 139 KK (Zamach na zabojstva zaviedama małaletniaj asoby).
Dziaŭčynka razam z trochhadovaj siastroj znachodziłasia na apiecy baćki. Dziaciej raniej zabirali ź siamji, bo jany znachodzilisia ŭ sacyjalna niebiaśpiečnym stanoviščy. Vosieńniu 2018 hoda dziaciej viarnuli.
Maci dziaŭčatak pazbaŭlenaja baćkoŭskich pravoŭ.
Mužčyna pražyvaŭ z sužycielkaj, u jakoj jość adno dzicia.
