Žycharka Mazyra razhledzieła praz akno pistalet u bahažniku mašyny i vyklikała milicyju

Žycharka Mazyra, ubačyŭšy ŭ bahažniku BMW pistalet, vyklikała milicyju.

Ranicaj 18 kastryčnika ŭ Mazyrskuju milicyju pastupiła paviedamleńnie ad miascovaj žycharki. Jana raspaviała, što znachodziłasia doma, vyhlanuła ŭ akno i ŭbačyła, jak małady čałaviek adkryŭ bahažnik mašyny BMW. Unutry lažaŭ pradmiet, padobny na pistalet.

Milicyjaniery spynili mašynu. Za rulom znachodziŭsia 25-hadovy žychar Mazyra. Jon raspavioŭ, što ŭ bahažniku sapraŭdy lažyć pnieŭmatyčny pistalet, jaki zastaŭsia ad niabožčyka-brata. Mazyrski RAUS pravodzić pravierku pa hetym fakcie.

0

0

0

0

0

0