Zacišša pierad vyznačalnymi matčami. Anons 25 tura čempijanatu Biełarusi pa futbole
U vyšejšaj lizie zastałosia zhulać usiaho šeść turaŭ. Chto b moh padumać, što sioleta budzie takaja intryha i što kaniec hiehiemonii BATE moža stać realnaściu. Razam z Bukmiekierskaj kantoraj Marafon anansujem 25 tur čempijanatu Biełarusi pa futbole.
Futbolnaje pieršynstvo brała paŭzu na mižnarodnyja matčy, u jakich zbornaja Biełarusi zhulała doma ŭničyju z Estonijaj i prajhrała Niderłandam.
Kali viartacca da padziej papiaredniaha tura, to tut varta adznačyć valavuju pieramohu «Minska» ŭ Haradziei, a taksama druhuju zapar viktoryju «Enierhietyka-BDU».
Forvard «Enierhietyka-BDU» Illa Škuryn byŭ pryznany najlepšym hulcom vieraśnia ŭ čempijanacie.
Zdavałasia, što «Viciebsk» krychu ačuniaŭ, pra što śviedčyli dźvie pieramohi, ale na sintetycy RCAR-BDU paŭnočnaja kamanda ničoha nie zmahła zrabić sa «studentami», čyje pazicyi na miažy zony vyletu stali macniejšymi za stanovišča «Homiela» i «Dniapro», jakija zhulali ŭ panyłuju ničyju.
Ciapier da padziej nastupnaha tura.
«Słavija» — «Nioman»
Aboje raboje: mazyrčuki i haradziency majuć adnolkavuju kolkaść turnirnych bałaŭ, a taksama apošnim časam nie mohuć paradavać zaŭziataraŭ pieramohami.
U «Słavii» — adna viktoryja ŭ siami apošnich turach, i taja techničnaja. «Niomana» spravy jašče horšyja — adna pieramoha ŭ 11 matčach.
Jość niebłahi šaniec krychu vypravić stanovišča.
Prahnoz «NN»: totał, mienšy za 2.5.
BATE — «Homiel»
- 19.10, 16:00. «Barysaŭ-arena».
- Kaeficyjenty: BATE (pieramoha) — 1.21; ničyja — 6.65; «Homiel» (pieramoha) — 10.75.
- Matč pieršaha kruha — 2:0
U interniecie razhortvajecca inicyjatyva ab pierajmienavańni «Barysaŭ-areny» ŭ honar Anatola Kapskaha. Spačatku heta byŭ fłešmob u sacsietkach, a niadaŭna 150 spartoŭcaŭ źviarnulisia da barysaŭskich uładaŭ z adkrytym listom.
Ale pakul u samim kłubie dumajuć jaŭna nie pra nazvu stadyjona — treba dahaniać bresckaje «Dynama» i trymać u hałavie budučyja matčy z «Šachcioram» i minskim «Dynama». A pakul možna krychu rassłabicca, bo ŭ Barysaŭ jedzie harotny «Homiel».
Prahnoz «NN»: pieramoha BATE.
«Dynama-Minsk» — «Viciebsk»
«Dynama» dva tydni tamu zhulała ŭničyju z «Isłačču» i jašče na adzin bał addaliłasia ad žodzinskaha «Tarpieda-BiełAZ», jakoje biez šancaŭ sastupiła ŭ Salihorsku, ale jašče na dva adstała ad treciaha miesca.
Fota: FK «Dynama-Minsk»
«Viciebsk» ža, prajhraŭšy «Enierhietyku-BDU», znoŭ vyvaliŭsia ź pieršaj pałovy tablicy. Ale ŭ siaredzinie tablicy takaja ščylnaść, što pieramoha znoŭ moža padniać viciablanaŭ na vośmaje miesca, a paraza z ulikam viktoryj kankurentaŭ moža adkinuć ažno na dvanaccataje.
Prahnoz «NN»: pieramoha «Dynama».
«Tarpieda-BiełAZ» — «Isłač»
U matčy pieršaha kruha «Isłač» užo na vośmaj chvilinie zastałasia ŭdziesiacioch paśla vydaleńnia Januškieviča, ale zdoleła vyrvać pieramohu.
Paŭtareńnie majskaha matča zmoža pierasunuć «vaŭkoŭ» na piaty radok tablicy, ale ŭ heta čamuści nie nadta vierycca.
Prahnoz «NN»: «Tarpieda» nie prajhraje.
«Dniapro» — «Šachcior»
Uviečary 14 kastryčnika na mahiloŭskim stadyjonie «Spartak» adbyŭsia pažar. Ahoń paškodziŭ banier z łahatypam «Dniapro», a taksama ścianu administracyjnaha budynka. Nichto nie paciarpieŭ.
Nastupstvy pažaru nie musiać adbicca na arhanizacyi matča suprać «Šachciora», jaki adbudziecca na «Spartaku». Ciapier zadača za futbalistami: pakazać takuju hulniu, kab jaje možna było nazvać «vohniennaj».
Prahnoz «NN»: pieramoha «Šachciora».
«Dynama-Brest» — «Słuck»
Bieraściejcy praciahvajuć svoj šlach da čempijonstva. Nastupny čekpojnt — hulnia sa «Słuckam», jaki pravalvaje druhuju vosień zapar. Sioleta ŭ padnačalenych Vitala Paŭłava ŭžo čatyry parazy zapar.
Paŭtareńnia letašniaha rekordu nie budzie (dziakuj minskamu «Tarpieda»), ale radavacca asabliva niama čamu.
Prahnoz «NN»: pieramoha «Dynama».
«Haradzieja» — «Enierhietyk-BDU»
«Haradzieja» pravodzić najlepšy siezon u svajoj vyšejšalihavaj historyi: «cukrovyja» znachodziacca na siomym radku i pakazvajuć stabilnuju hulniu. Zdarajucca, kaniečnie, kanfuzy kštałtu parazy ŭ minułym tury ad «Minska», ale naohuł uražańnie zastajecca vielmi stanoŭčym.
Toje ž možna skazać i pra «Enierhietyk», chacia pośpiechami kamanda moža adznačycca chiba što ŭ honcy bambardziraŭ. «Studenty» usio jašče mohuć vylecieć u pieršuju lihu.
Prahnoz «NN»: totał, bolšy za 2.5.
U suviazi sa źniaćciem z čempijanatu minskaha «Tarpieda» va ŭsich astatnich matčach «aŭtazavodcam» budzie prysudžana techničnaja paraza 0:3. Na hety raz pašancavała «Minsku».
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon, nadvorje ž dobraje! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
