U novaha kamandujučaha ŭnutranymi vojskami siastra taksama słužyć u śpiecnazie FOTY
Alaksandr Łukašenka 15 kastryčnika pryznačyŭ Juryja Nazaranku namieśnikam ministra unutranych spravaŭ, kamandujučym unutranych vojskaŭ.
Nazaranku 43 hady, jon rodam sa Słonima. Skončyŭ Vajskovuju akademiju. Ad 1997 da 2007 hadoŭ prachodziŭ słužbu na roznych pasadach u vajskovaj čaści 3214. Byŭ namieśnikam kamandzira ŭ vajskovaj častcy 5526 u Breście. Ad 2010 hoda — u Słužbie biaśpieki prezidenta. Potym u 2014 hodzie znoŭ viarnuŭsia ŭ 3214. Ad sakavika 2018 byŭ kiraŭnikom štaba Słužby biaśpieki prezidenta.
Admietna, što ŭ minskim śpiecnazie 3214 słužyć i małodšaja siastra Juryja Nazaranki Volha.
Dziaŭčyna maje zvańnie starejšaha praparščyka. Jana zajmajecca bodzifitnesam, a taksama nieadnarazova stanaviłasia čempijonkaj unutranych vojskaŭ pa łyžnych honkach.